Aiaq kiımnıñ sifrlyq tañbalanuy. DAMU Logistics keden qoimalarynyñ artyqşylyqtary

15 / 01 Bız turaly jarialanymdar

Aiaq kiımnıñ sifrlyq tañbalanuy. DAMU Logistics keden qoimalarynyñ artyqşylyqtary

Osy jyldyñ 1 qaraşasynan bastap otandyq aiaq kiım öndıruşıler men importtauşylar tauardy Data Matrix sifrlyq kodymen tañbalauy tiıs. Aiaq kiım salasyn tañbalauğa daiyndau 2019 jyldan bastaldy: mañyzdy kezeñderdıñ bırı – Keden qoimalarynda Qazaqstanğa importtalatyn aiaq kiım önımıne sifrlyq kodtardy engızudıñ barlyq prosesterın baiqaudan ötkızu. DAMU Logistics keden qoimasynyñ direktory Zoia Zamaşikova bügıngı tañda qoimalar tolyq daiyn ekenın jäne importtauşy-klientter tañbalau üşın aiaq kiım äkeletının aitty. Käsıpkerler keden qoimasyn erıktı negızde özderı tañdai alady.

- Zoia Aleksandrovna, sızdıñ keden qoimañyz sifrlyq tañbalauğa qanşalyqty daiyn?

- Bızdıñ audany 3000 şarşy metrden asatyn «Alatau» USQ keden qoimasy DAMU Logistics aumağynda ornalasqan. Bız tañbalau üşın klientterdı qabyldauğa daiynbyz. Bügıngı künı barlyq qajettı infraqūrylym bar, onyñ ışınde tieu-tüsıru tehnikasy, jükterdı qabyldau jäne beru üşın qyzmetkerler bar. Jalpy, tañbalau salasynda qyzmetterdıñ tolyq spektrın ūsynuğa mümkındık bar. Mysaly, manipuliasia bölımı klientten ötınımderdı aluğa daiyn, mamandar tañbalaudy qoldanu boiynşa qyzmetterdı jüzege asyruğa jäne daiyn önımdı beruge daiyn. Sondai-aq, klienttıñ ötınışı boiynşa bız bağa körsetkışterın belgılei alamyz. Bız käsıpkerlerge tañdau ūsynamyz: aiaq kiım önımderın özderı tañbalaidy nemese ony bızdıñ kompaniamyzdyñ mamandary jasaidy. Eger qauıpsızdık mäselesı turaly aitatyn bolsaq - «Alatau» USQ qoimalarynda baqylau kameralary jüiesı ornatylğan. Bır jağynan, būl keden organynyñ talaby, ekınşı jağynan, būl tauarlardyñ tūtastyğyn saqtaudyñ kepılı. Bügıngı tañda bızde klienttermen bırqatar şarttar jasalğan, qazır memlekettık kırıster departamentınıñ kelısımı qajet.

- Aiaq kiımdı tañbalau prosesı qazırgı künı ıske qosyldy ma?

- İa, proses bastaldy. 2021 jylğy 7 jeltoqsannan bastap tauardy kedendık tazartuğa deiın keden qoimasynda tañbalau qajet. Qazır qyzmetke degen sūranys baiqaluda, klientter bızge «Alatau» keden qoimasy arqyly aiaq kiımdı tañbalau boiynşa sūranyspen jügınedı. Eger biznes bızdıñ tañbalau qyzmetterın paidalanatyn bolsa, onda köptegen jūmys prosesterı aitarlyqtai jeñıldetıledı. Mysaly, käsıpkerlerge tek tauarlar tızımın jasap, nomenklaturany tauarlardyñ Ūlttyq katalogyna engızu ğana qalady. Japsyrmalardy tañbalaudyñ barlyq prosesterın bızdıñ arnaiy daiyndalğan mamandar jasaidy. Aiaq kiımnıñ är jūbynda jeke Data Matrix kody bolady jäne kod dūrys jabystyrylğan ba, joq pa degen şatasular bolmaidy.

#

- Jaña tañbalau erejelerı aiasynda qoimada saqtau merzımı qandai?

- Mūnyñ bärı kedendık tazartudyñ qanşalyqty tez ötetınıne bailanysty. Qolda bar mälımetterge säikes, sertifikattau prosedurasynan basqa, käsıpkerler synaq hattamalary men zerthanalyq zertteuler jürgızuı kerek. Mysaly, aiaq kiımnıñ bylğary ekendıgı turaly - qaptamada körsetılgendei nemese onyñ bylğary emes ekendıgın rastau qajet. Tiısınşe, mūnyñ bärı bıraz uaqytty alady, sodan keiın deklarasiany räsımdeu tağy ekı kündı alady. Uaqyt boiynşa, şamamen 30 kün aiaq kiım qoimada saqtaluy mümkın. Bız tañbalau saldarynan tauardy qoimada ūstağymyz kelmeidı, barlyğy jedel pysyqtalatyn bolady.

- Tarifter turaly aityp berıñızşı. Būl satu naryğyna qatty äser etedı me?

- Menıñ oiymşa, tañbalau prosesı aiaq kiım önımderınıñ bağasyna aitarlyqtai äser etpeidı. İmporttauşylar būrynda da Qazaqstan aumağyna aiaq kiım, uaqytşa saqtau qoimalary (USQ) arqyly ötetın. Sondyqtan, kedendık saqtau, uaqytşa saqtau qoimalaryndağy qoima qyzmetterı önım importynyñ ajyramas bölıgı bolyp tabylady. Bız 2021 jyldyñ qazan jäne qaraşa ailarynda bızge aiaq kiım äkelgen kompanialardyñ statistikasyn qarastyrdyq. Ortaşa alğanda, tieu-tüsıru jūmystary, saqtau, tasymaldau qūny 40-45 teñge. Tañbalaudan būryn ärbır importtauşy standartty räsımder jiyntyğynan ötken, sondyqtan qoima qyzmetterı qandai da bır ülken auyrtpalyq bolady dep oilamaimyn. Qoimada tañbalau boiynşa qyzmetterdıñ qūny 30-40 teñgenı qūraidy. Osylaişa, keden qoimasynda saqtau jäne tañbalau boiynşa şyğyndar 100 teñgeden aspaidy.

- Sızdıñ qoimañyzdağy tauardy tañbalau üşın importtauşyğa ne qajet?

- Eger tañbalau boiynşa qyzmetterdı bızdıñ qyzmetkerler körsetetın bolsa, onda bız importtauşymen tañbalau jäne saqtau qyzmetterın körsetuge şart jasasamyz. Eger importtauşy tauarlardy özı tañbalaityn bolsa, oğan öz tauarlaryn tañbalau üşın keden organynan keden qoimasynyñ aumağyna rūqsat alu qajet.